അദ്ദിക്ർ

 സ്രഷ്ടാവിനെ മറന്ന കപടവിശ്വാസിയായ തോട്ടക്കാരന്‍റെയും അവന്‍റെ ദരിദ്രനാ യ കൂട്ടുകാരന്‍റെയും സംഭവചരിത്രം 18: 32-44 ല്‍ വിവരിച്ചത് വായിക്കുക. 18: 6 ല്‍, ഈ വര്‍ത്തമാനത്തില്‍-അദ്ദിക്റില്‍-അവര്‍ വിശ്വസിക്കാത്തതിന്‍റെ പേരില്‍ ദുഃഖം പൂണ്ട് നീ നിന്നെ സ്വയം നശിപ്പിക്കുന്നവനായേക്കാം എന്നും; 26: 3-4 ല്‍, അപ്പോള്‍ അവര്‍ വ്യക്ത മായ ഈ സൂക്തങ്ങളില്‍ വിശ്വസിക്കാതിരിക്കുന്നതില്‍ ദുഃഖം പൂണ്ട് നീ നിന്നെ സ്വയം നശിപ്പിച്ചേക്കാം, നാം ഉദ്ദേശിച്ചിരുന്നുവെങ്കില്‍ അവരുടെ മേല്‍ ആകാശത്തുനിന്ന് ഒരു ദിവ്യാത്ഭുതം ഇറക്കുകയും അതുമുഖേന അവരുടെ പിരടികള്‍ അദ്ദിക്ര്‍ കൊള്ളെ വി നീതരാക്കുകയും ചെയ്യുമായിരുന്നു എന്നും പറഞ്ഞിട്ടുണ്ട്. നീ ക്ഷമിക്കുക, നിന്‍റെ ക്ഷമ അല്ലാഹുവിന് വേണ്ടിയല്ലാതെയല്ല, നീ അവരുടെ മേല്‍ ദു:ഖിക്കുകയുമരുത്, അവരുടെ കുതന്ത്രങ്ങളില്‍ നീ മനസ്സിടുങ്ങിയവനാകേണ്ടതുമില്ല എന്ന് 16: 127 ല്‍ പറഞ്ഞിട്ടുണ്ട്. 31: 17 ല്‍, ലുഖ്മാന്‍ തന്‍റെ മകനെ ഉപദേശിച്ചുകൊണ്ട്: നീ പ്രാര്‍ത്ഥന നിലനിര്‍ത്തുക, നന്മകൊണ്ട് കല്‍പിക്കുകയും തിന്മയെ വിരോധിക്കുകയും ചെയ്യുക, അതിന്‍റെ പേരി ല്‍ നിന്നെ ബാധിക്കുന്നത് നീ ക്ഷമിക്കുകയും ചെയ്യുക എന്ന് പറഞ്ഞതായി പറഞ്ഞിട്ടു ണ്ട്. അഥവാ ആളുകള്‍ക്ക് ഇഷ്ടമില്ല എന്ന് കരുതി നീ അല്ലാഹുവിന്‍റെ സന്ദേശം എ ത്തിച്ച് കൊടുക്കാതിരിക്കാനോ ആ മാര്‍ഗത്തില്‍ പ്രയാസം സഹിക്കുന്നതില്‍ മനം മുട്ട് അനുഭവിക്കാനോ പാടില്ല. ജീവിതം മൂഴുവന്‍ അല്ലാഹുവിനെ സേവിക്കാന്‍ വേണ്ടിയാണ് എന്ന് 1: 4 ല്‍ നീ പറയുന്നത് മാനിച്ചുകൊണ്ട് എല്ലായ്പ്പോഴും എവിടെയും നിലകൊള്ളണം. സ്വാര്‍ത്ഥതയും ആത്മാവിന്‍റെ കുടുസ്സും ആര്‍ക്കാണോ ഒഴിവായത്, അവര്‍ മാത്രമാണ് വിജയം വരിക്കുക എന്ന് 59: 9 ലും 64: 16 ലും പറഞ്ഞിട്ടുള്ളത് ഓര്‍മ്മിച്ച് നിലകൊള്ളണമെന്ന് സാരം. 8: 24 ല്‍ വിവരിച്ച പ്രകാരം വിശ്വാസി അദ്ദിക്ര്‍ മുറുകെപ്പിടിച്ചുകൊണ്ട് അവന്‍റെ ആത്മാവിന്‍റെ കൂട്ടുകാരനെ വിശ്വാസിയാക്കി മാറ്റി നാഥനെ ഹൃദയത്തി ല്‍ സൂക്ഷിക്കുന്നതാണ്. അപ്പോള്‍ അവന് ഫുജ്ജാറുകളില്‍ നിന്നുള്ള ഒരു ശല്യവും ബാ ധിക്കുകയില്ല. 5: 67; 6: 35, 50; 10: 108-109 വിശദീകരണം നോക്കുക.